İdarəetmə Sistemləri İnstitutunun laboratoriya rəhbərinin ingilis dilində metodiki göstərişlər toplusu nəşr olunmuşdur

11.02.2021 / Nəşr fəaliyyəti

AMEA İdarəetmə Sistemləri İnstitutunun laboratoriya rəhbəri, t.e.d., professor Nailə Musayevanın və Reyhan Həsənəlizadənin həmmüəllifi olduqları “Hesablama təcrübələri” (Computational experiments)  adlı metodiki göstərişlər toplusu ingilis dilində nəşr olunmuşdur. Kitab 050655 – “İnformasiya texnologiyaları” ixtisası üzrə bakalavr pilləsində təhsil alan tələbələrin laboratoriya işlərini yerinə yetirmək üçün nəzərdə tutulub.

Metodiki göstərişdə elmi-tədqiqat işlərinin avtomatlaşdırma vasitələri olan MATCAD, MATLAB sistemləri haqqında ətraflı məlumat verilmişdir. Burada MATHCAD ilə işləmək üçün vacib olan mövzular öz əksini tapmışdır: sistemin giriş dili ilə işləmə, funksiyalarin qurulması, ranqlanmış dəyişənlərin, fayl verilənlərinin, matrislərin və vektorların, istifadəçinin funksiyalarının yaradılması. MATLAB-ın əsas mövzuları olan: riyazi ifadələrin tərtibi, operatorlar və funksiyalar ilə işləmə,  vektorların və matrislərin yaradılması, funksiyaların qrafiklərının qurulması, xətti tənliklər sisteminin həlli, inteqralın hesablanması, proqramların yazılması metodiki göstərişdə ifadə edilmişdir.