İdarəetmə Sistemləri İnstitutunda “COST proqramında iştirak” mövzusunda vebinar keçirilmişdir

04.03.2021 / Xəbərlər

04 mart 2021-il tarixində AMEA İdarəetmə Sistemləri İnstitutunda Avropa Birliyinin Elm və Texnologiyada Avropa Əməkdaşlığı ( COST - European Cooperation in Science and Technology) layihəsi üzrə vebinar keçirilmişdir. Vebinarda institutun  laboratoriya rəhbərləri, elmi işçilər, magistrlar və başqaları ıştirak etmişdir.

İnstitutun Xarici əlaqələr və innovasiya şöbəsinin müdiri Tofiq Babayev vebinarı giriş sözü ilə açaraq Avropa Birliyinin (AB)  çərçivə proqramları və COST Proqramı barədə ümumi məlumat vermişdir.
Vebinarda “Horizon 2020” Proqramının Avropa Tədqiqat Şurası istiqaməti üzrə milli əlaqələndirici şəxs, Təhsildə Keyfiyyət Təminat Agentliyinin Akkreditasiya və Lisenziyalaşdırma şöbəsinin müdiri İlham Hümbətov COST proqramına həsr edilmiş prezentasiya ilə çıxış etmişdir. İ. Hümbətov İştirakçılara COST proqramı vasitəsilə Azərbaycan alimlərinin Avropa Birliyi alimləri ilə əməkdaşlığı üçün yeni imkanlar yaradılması  barədə  ətraflı məlumat vermişdir.
Sonra İ. Hümbətov iştirakçıların coxsaylı suallarını çavablandırmışdır.

İnstitutun icraçı directoru, AMEA-nın müxbir üzvü  Əminağa Sadıqov çıxış edərək AB layihələrində Azərbaycan alimlərinin iştirakının vacibliyini qeyd etmiş və öz tövsiyələrini bildirmişdir.