İdarəetmə Sistemləri İnstitutunun laboratoriyalarında seminarlar keçirilir

12.03.2021 / Xəbərlər

İdarəetmə Sistemləri İnstitutunun 3.5 saylı Kənd təsərrüfatında modelləşdirmə və idarəetmə laboratoriyasında müntəzəm olaraq elmi-tədqiqat seminar keçirilir. Son seminar laboratorayanın əməkdaşı və aspirantı Nabadova Gülüş Kamal qızının "Kvarternion nəzəriyyəsi metodlarının tətbiqi ilə pilotsuz uçuş aparatlarının idarəetmə texnologiyasının işlənilməsi " dissertasiya mövzusu ilə bağlı məsələlərin aydınlaşdırılmasına həsr edilmişdi.

Müzakirələr zamanı kvaternionlar və onların xassələri, təkrarlanan və təkrarlanmayan fırlanma oxlarına görə verilən Eyler bucaqları, bərk cism kimi baxılan obyektin fəzada vəziyyətini müəyyənləşdirən yönəldici kosinuslar matrisi, Yerlə bağlı ətalət və bərk obyektlə bağlı əlaqəli hesablama sistemləri haqqında ilkin anlayışlar və təriflər müzakirə olunmuşdur. Obyektin fəzada Eyler çevirmələri ilə verilən oriyentasiyasını kvaternionlarla ifadə etmək üçün tətbiq olunan riyazi aparat tədqiq olunmuş, uçan obyektlərin naviqasiya məlumatlarının analizi məqsədilə onların kvaternionlarla ifadə olunma düsturları təsbit olunmuşdur. Mövzu üzərində iş davam etdirilir.