Ali təhsil müəssisələrinin tələbələri İdarəetmə Sistemləri İnstitutunda təcrübə keçirlər
12.03.2021 / XəbərlərAzərbaycan Dövlət İqtisad Universitetində “İnformasiya texnologiyaları” ixtisası üzrə bakalavr səviyyəsində təhsil alan IV kurs tələbələr 16.02.2021-ci il tarixindən 24.05.2021-ci il tarixinədək istehsalat təcrübəsi keçəcəklər. Təcrübə müddətində tələbələrə rəhbərlik İnstitutun 4.3 saylı “Sosiаl-iqtisаdi proseslərin modelləşdirilməsi” laboratoriyasına həvalə edilib.
Bakı Dövlət Universitetinin Tətbiqi riyaziyyat və kibernetika fakültəsində “Kompüter elmləri” ixtisası üzrə təhsil alan IV kurs tələbələr 16.02.2021-ci il tarixindən 27.04.2021-ci il tarixinədək təcrübə keçəcəklər. Təcrübə müddətində tələbələrə rəhbərlik İnstitutun 2.3 saylı "Teletrafik nəzəriyyəsi” laboratoriyasına həvalə edilib.
Azərbaycan Dövlət Neft və Sənaye Universitetində “Proseslərin avtomatlaşdırılması mühəndisliyi” ixtisası üzrə bakalavriat səviyyəsində təhsil alan əyani şöbənin IV kurs tələbələri 16.02.2021-ci il tarixindən 24.05.2021-ci il tarixinə kimi istehsalat təcrübəsi keçəcəklər. Təcrübə müddətində tələbələrə rəhbərlik İnstitutun 1.9 saylı "Neftqazçıxarma obyektlərinin nəzarət, diaqnostika və idarəetmə sistemləri” laboratoriyasına həvalə edilib.
Azərbaycan Memarlıq və İnşaat Universitetində bakalavr səviyyəsində təhsil alan sonuncu kurs tələbələr 16.02.2021-ci il tarixindən 25.05.2021-ci il tarixinə kimi istehsalat və magistr dərəcəsi üzrə təhsil alan tələbələr 16.02.2021-ci il tarixindən 16.03.2021-ci il tarixinə kimi elmi-tədqiqat təcrübəsi keçəcəklər.
Təcrübə müddətində bakalavr səviyyəsində təhsil alan tələbələrə rəhbərlik İnstitutun 1.1 saylı “İdentifikаsiyа üsulları, 1.4 saylı “Stoxаstik proseslərin identifikasiyası”, 1.9 saylı "Neftqazçıxarma obyektlərinin nəzarət, diaqnostika və idarəetmə sistemləri” və 1.10 saylı “Neft və qaz məhsullarının nəqli prosesinin nəzarət və ölçü vasitələrinin yaradılması” laboratoriyalarına, magistr dərəcəsi üzrə təhsil alan tələbələrə rəhbərlik 3.1 saylı "Determinik sistemlərdə qərar qəbuletmənin ədədi üsullаrı” laboratoriyasına həvalə edilib.