AMEA əməkdaşları növbəti dəfə peyvənd olunublar

12.03.2021 / Xəbərlər

Azərbaycan Milli Elmlər Akademiyasının əməkdaşları ölkəmizdə gedən vaksinasiya prosesində fəal iştirak edirlər.

Belə ki, AMEA-nın Azad Həmkarlar İttifaqının təşkilatçılığı ilə 11 mart 2021-ci il tarixində TƏBİB-in modul tipli xəstəxanasında 50-64 yaş arası akademiya əməkdaşlarının növbəti vaksinasiyası həyata keçirilib. 500-dən artıq əməkdaş peyvənd olunub və heç bir əks-göstərişlə rastlaşmayıblar. Tibbi heyətin peşəkarlığını və pasiyentlərə qarşı diqqətliliyini xüsusilə qeyd etmək olar.

Vaksinasiya iki mərhələdən ibarət olduğu üçün əməkdaşlar bir neçə müddətdən sonra yenidən virus əleyhinə peyvənd olunacaqlar.

mənbə: science.az