İdarəetmə Sistemləri İnstitutunun iki nümayəndəsi fizika-riyaziyyat və texnika elmləri üzrə problem şurasında institutu təmsil edir

20.04.2021 / Xəbərlər

16 aprel 2021-ci il tarixində Azərbaycan Respublikası Elmi Tədqiqatların Əlaqələndirilməsi Şurasının Fizika -riaziyyat və texnika elmləri üzrə problem şurasının ilk iclası keçirilib.
Qeyd edək ki, Azərbaycan Respublikası Elmi Tədqiqatların Əlaqələndirilməsi Şurasının (ETƏŞ) Fizika-riyaziyyat və texnika elmləri üzrə problem şurasında İdarəetmə Sistemləri İnstitutunu iki alim - Determinik sistemlərdə qərar qəbuletmənin ədədi üsullаrı laboratoriyasının rəhbəri, AMEA-nın müxbir üzvü Kamil Rəcəb oğlu Aydazadə və İdarəetmənin riyazi məsələləri laboratoriyasının rəhbəri, riyaziyyat elmləri doktoru İlqar Qürbət oğlu Məmmədov təmsil edir.
Onlayn iclasda problem şurasının üzvləri, elmlər doktoru və fəlsəfə doktoru hazırlığı üzrə dissertasiya mövzularının təsdiqi üçün müraciət edən iddiaçılar, eləcə də həmin dissertasiya işləri üzrə elmi məsləhətçilər və rəhbərlər iştirak ediblər.

Mənbə: ict.az