İdarəetmə Sistemləri İnstitutunun baş direktoru Pure and Applied Mathematic jurnalının Lütfü Zadəyə həsr olunmuş xüsusi buraxılışının redaktorluğuna dəvət olunub
29.04.2021 / XəbərlərAMEA İdarəetmə Sistemləri İnstitutunun baş direktoru, akademik Əli Abbasov Türk Dünyası Riyazi Cəmiyyətinin (TWMS) Pure and Applied Mathematics («Nəzəri və tətbiqi riyaziyyat») jurnalının Lütfü Zadənin 100 illiyinə həsr olunmuş xüsusi «Qeyri-dəqiq və qeyri-müəyyənlik şəraitində qeyri-səlis çoxluqlar: keçmiş və gələcək» adlı buraxılışının dəvət olunmuş redaktorlarından biri olmuşdur. (Fuzzy Sets in Dealing with Imprecision and Uncertainty: Past and Future, (т.12, №1, 2021).
Akademik Ə.Abbasovun AZERBAIJANI SCIENTIST WHO ENRICHS WORLD SCIENCE WITH HIS THEORIES (Dünya elmini nəzəriyyələri ilə zənginləşdirən azərbaycanlı alim) adlı məqaləsi jurnalın xüsusi buraxılışında yer almışdır.
http://www.twmsj.az/Files/Contents%20V.12%20N.1%20%202021/pp173-175.pdf
Qeyd edək ki, jurnal 2010-cu ildə Türk Dünyası Riyazi Cəmiyyəti (TWMS) və Bakı Dövlət Universitetinin Tətbiqi Riyaziyyat İnstitutu tərəfindən təsis edilmişdir. İldə iki dəfə jurnal tətbiqi və hesablama riyaziyyatının geniş sahələri üzrə yüksək keyfiyyətli seçilmiş elmi məqalələri dərc edir. Jurnal türk ölkələrinin alim və riyaziyyatçılarının yüksək nailiyyətlərini dərc etmək, onların elm dünyasında tanınması və beynəlxalq elmi ictimaiyyətlə sıx əməkdaşlıq etməkləri üçün yeni imkanlar təqdim edir.