Dissertasiya şurasının növbəti iclası keçirilmişdir

20.05.2021 / Dissertasiya şurasının iclasları

AMEA İdarəetmə Sistenləri İnstitutunun (İSİ) nəzdində fəaliyyət göstərən ED 1.19 Dissertasiya şurasının iclasında daxil olmuş dissertasiya işləri ilə bağlı cari vəziyyət müzakirə olundu. Şuranın “Ehtimal nəzəriyyəsi” ixtisası üzrə elmi seminarın qərarına uyğun olaraq Nərminə Abbulla qızı Abdullayevanın fəlsəfə doktoru elmi adı almaq üşün təqdim etdiyi “Xidmət anları tsiklik olan kütləvi xidmət sistemlərində idarəetmə məsələləri” adlı disertasiyasının və “Kompüter elmləri” ixtisası üzrə elmi seminarın qərarına uyğun olaraq Vüsalə Nazim qızı Nəsibzadənin fəlsəfə doktoru elmi adı almaq üşün təqdim etdiyi “İkitərtibli hiperbolik tənliklər üçün bəzi tərs məsələlərin optimallaşdırma üsulları ilə tədqiqi və onların həll alqoritmləri” adlı disertasiyasının müdafiəsi 30 iyun 2021-ci il tarixinə təyin edildi.

Həmçinin müdafiə şurasına “Ehtimal nəzəriyyəsi” ixtisası üzrə Elbrus Məlik oğlu Neymanovun “Mürəkkəb cəm proseslərinin və onların sərhəd funksionallarının paylanmalarının tədqiqi” adlı və “Kompüter elmləri” ixtisası üzrə Vüqar Adəm oğlu Həşimovun “Əks əlaqəli idarəetmə sistemlərində idarə və nəzarət nöqtələrinin yerinin optimallaşdırma məsələlərinin ədədi həlli” adlı disertasiyaları şuranın nəzdində fəaliyyət göstərən elmi seminarlara yönəldildi.

İclasda şura üzvü, AMEA-nın həqiqi üzvü Asəf Hacıyevin dövrümüzün müasir tendensiyalarına uyğun olaraq dissertasiyaların avtoreferatlarının siyahı üzrə adi poçtla yanaşı e-mail vasitəsilə də göndərilməsi təklifi bəyənildi və qəbul olundu.