İdarəetmə Sistemləri İnstitutunun II kurs magistrantlarının magistrlik dissertasiyalarının ilkin müzakirəsi keçirilmişdir

27.05.2021 / Xəbərlər

25-27 may 2021-ci il tarixlərində AMEA-nın İdarəetmə Sistemləri İnstitutunda 060501 – “Riyaziyyat”, 060509 – “Kompüter elmləri” və 060628 – “Proseslərin avtomatlaşdırılması mühəndisliyi” ixtisasları üzrə təhsil alan II kurs magistrantların magistrlik dissertasiyalarının ilkin müzakirəsi keçirilmişdir.

3.5 saylı “Kənd təsərrüfatında modelləşdirmə və idarəetmə” laboratoriyasının online iclasında Gülşən Fərəcova “Dəyişən şərtlərə uyğun olaraq optimal həllin dəqiqləşdirilməsi alqoritmlərinin işlənilməsi”; 3.1 saylı “Determinik sistemlərdə qərar qəbuletmənin ədədi üsullаrı” laboratoriyasının online iclasında Pünar Quliyeva “Ekspert verilənləri əsasında müxtəlif növ mənsubiyyət funksiyalarının qurulması və analizi üçün alqoritmlərin və proqram təminatının işlənilməsi”; 1.2 saylı “Siqnаllаrın tanınması üsulları və texniki diaqnostika sistemləri”, 1.7 saylı “İnformasiyanın intellektual emalı sistemləri”, 1.9 saylı “Neftqazçıxarma obyektlərin nəzarət, diaqnostika və idarəetmə sistemləri” və 3.3 saylı “Texniki obyektlərin modelləşdirilməsi” laboratoriyalarının birgə iclasında Gülşad Əliyeva “Bir sıra tətbiqi məsələlərin həlli sahəsində ekspert biliklərinin kompilyasiyası məqsədi ilə neyro-fuzzy platformasının işlənilməsi”, Şəkər Süleymanova “İnvestisiya layihələrinin kompleksli analizi və qiymətləndirilməsi üçün qeyri-səlis üsulların, vasitələrin və alqoritmlərin işlənilməsi”, Aytac Mustafazadə “Çoxparametrli məsələlər üçün multiagent sistemində reaktiv agentin işləmə alqoritminin araşdırılması”, Leyla Nəsirli “Neft quyularının hasilatına distansiyon nəzarət sisteminin radio rabitə vasitəsi ilə informasiya mübadiləsi alqoritmlərinin və proqram təminatının  işlənilməsi”, Elşən Tağıyev “Neftçıxarma obyektlərinin nəzarət və idarəetmə sistemlərində verilənlərin kontrollerlər vasitəsilə məsafədən mübadiləsi üçün alqoritmlərin və proqram vasitələrinin işlənilməsi”; 2.5 saylı “Diskret optimallaşdırılma modelləri və üsulları” laboratoriyasının iclasında Rayihə Niyazova “Verilənləri intervallar olan çanta məsələlərinin innovativ həll üsullarının işlənilməsi” və Bəyaz Əhmədova “Çanta məsələlərində qızıl bölmə prinsipi ilə zəmanətli suboptimal həllərin tapılması üsullarının işlənilməsi” mövzularında yerinə yetirdikləri magistrlik dissertasiya işlərini təqdimatlar vasitəsilə iclas iştirakçılarının diqqətinə çatdırdılar. İclasda iştirak edən laboratoriya əməkdaşları, İnstitutun Təhsil şöbəsinin müdiri, r.ü.f.d. Sevinc Quliyeva və magistrantların elmi rəhbərləri tərəfindən hər bir iş üzrə magistrantlara suallar verildi, irad və tövsiyələr bildirildi.

Yekunda bütün magistrantların dissertasiya işlərinin magistrlik dissertasiyalarının müdafiəsi üzrə ixtisaslaşdırılmış elmi şuranın açıq iclasında müdafiəyə buraxılması haqqında qərar qəbul edildi.