İdarəetmə Sistemləri İnstitutunun laboratoriya müdiri beynəlxalq konfransda iştirak etdi

03.06.2021 / Xəbərlər

İdarəetmə Sistemləri İnstitutunun laboratoriya müdiri, AMEA-nın müxbir üzvü Ağasi Məlikov 5-ci beynəlxalq "Müasir Stoxastika: Nəzəriyyə və tətbiqlər V" (MSTA-V-2021) konfransında iştirak edərək, "Əks əlaqəli kütləvi xidmət sistemlərinin tədqiqinə ədədi yanaşmalar" mövzusunda məruzə ilə çıxış etmişdir. ("Numerical approaches to study the queueing systems with feedback"). Konfrans 01-04 iyun 2021-ci il tarixlərində Ukraynanın Kiyev şəhərində onlayn keçirilir.

Konfransın qlobal məqsədi - ehtimal nəzəriyyəsi və onunla əlaqəli sahələrdən olan milli və beynəlxalq tədqiqatçıları birlikdə toplamaqdır. Konfrans aşağıda qeyd olunan geniş tədqiqat sahələr üzrə son nəticələr və yeni tendensiyalar ətrafında fikir mübadiləsi və müzakirələr aparmağa şərait yaradır: riyazi statistika, təsadüfi proseslər və sahələr nəzəriyyəsi, kəsirli və çoxkəsirli proseslər, fraktal analiz, stoxastik analiz, stoxastik diferensial tənliklər, təkamül sistemlərinin stoxastik modelləri, stoxastik etibarlılıq nəzəriyyəsi, informasiya təhlükəsizliyi, kütləvi xidmət nəzəriyyəsi, risk prosesləri, aktuar və maliyyə riyaziyyatı.