Qeyd edək ki, AMEA Rəyasət Heyəti AMEA-nın İqtisadiyyat İnstitutunda akademik Ziyad Səmədzadənin iqtisadiyyat elminin inkişafındakı xidmətlərinə və 80 illik yubileyinə həsr olunmuş elmi sessiyanın keçirilməsi haqqında 16 iyul 2020-ci 12/12 saylı qərar qəbul edib. Bunu əsas tutaraq AMEA İqtisadiyyat İnstitutunun Elmi Şurasının qərarı əsasında elmi sessiyanın keçirilməsi üçün İqtisadiyyat İnstitutunun direktoru, i.e.d., professor Nazim Müzəffərlinin (İmanov) sədrliyi ilə Təşkilat Komitəsi və Redaksiya Heyəti yaradılıb (sədr müavini - Sakit Yaqubov, AzDİU-nun Elmi işlər üzrə prorektoru, professor, məsul katib - Tanriverdi Paşa - AMEA İqtisadiyyat İnstitutunun aparıcı elmi işçisi).

AMEA Rəyasət Heyətinin və AMEA İqtisadiyyat İnstitutunun Elmi Şurasının qərarları (yüklə)

Konfransa təqdim olunan məqalə və tezislər kitab şəklində dərc ediləcəkdir.

- Konfransın bölmələri:

- Dayanıqlı inkişafın nəzəri-metodoloji məsələləri

- Azərbaycanın iqtisadi inkişaf modeli

- Azərbaycanda iqtisadi artım və ictimai rifah

- Post-neft iqtisadiyyatının inkişaf istiqamətləri

- Qarabağın iqtisadi dirçəlişi

- Azərbaycanda iqtisadiyyatın dövlət tənzimlənməsi (fiskal və monetar tənzimləmə, investisiya və innovasiya siyasəti, aqrar siyasət və ərzaq təhlükəsizliyi, demoqrafik siyasət)

- İqtisadiyyatın sektorial və ərazi strukturunun təkmilləşdirilməsi

 Beynəlxalq konfransın materialları əsasında hazırlanacaq kitaba daxil edilmək üçün məqalə və tezislər 15 iyul 2021-ci ilədək Azərbaycan, rus, türk və ingilis dillərinin birində AMEA İqtisadiyyat İnstitutunun əməkdaşı Tanrıverdi Paşaya ([email protected]; [email protected]) göndərilməlidir.

Qəbul olunmuş məruzələr haqqında müəlliflərə qabaqcadan məlumat veriləcəkdir.

 Məqalə və ya tezislərin tərtib olunması qaydaları:

1. Məqalənin, tezislərin başlığı, müəllifin adı və soyadı, elmi dərəcəsi, vəzifəsi, iş yeri, əlaqə telefon nömrəsi və elektron ünvanı ayrıca təqdim edilməlidir.

2. Mətn 12 ölçüdə Times New Roman şrifti ilə, 1,5 intervalla, abzas 1,25 yazılmalı, kənarlardan (soldan 25 mm, sağdan 10 mm, yuxarıdan və aşağıdan 20 mm) boşluq buraxılmalıdır.

3. Müəllifin soyadı və inisialları qalın şriftlə, məruzənin adı böyük, qalın şriftlə; təşkilatın adı adi şriftlə yazılmalıdır.

4. Məqalə formasındakı məruzələrin həcmi 6-10 səhifə olmalıdır. Məqalələrə “Xülasə”, “Nəticə”, “Ədəbiyyat siyahısı” əlavə olunmalıdır. Mətndə istinadlar [3] və ya [3; 6; 8] kimi yazılmalıdır.

5. Tezislər 3 səhifədən artıq olmamalıdır.

 Təşkilat komitəsi Konfransın mövzusuna uyğun gəlməyən, qoyulan tələblərə cavab verməyən və aktual hesab edilməyən məruzələri qəbul etməyə bilər.

Əlavə məlumatlar üçün əlaqə telefonları:

(+99412) 510-37-92 (əlavə 135); mob: (+99450) 352-32-60