Təhsil Nazirliyi vətəndaşlara müraciət edib
29.06.2021 / Xəbərlər
Təhsil Nazirliyi tərəfindən vətəndaş müraciətlərinə baxılması işinin daha da təkmilləşdirilməsi və əlçatanlığın təmin edilməsi məqsədilə portal.edu.az platforması istifadəyə verilib. Bununla əlaqədar Təhsil Nazirliyinin [email protected] elektron poçt ünvanı yalnız korporativ və ya işgüzar yazışmalar üçün istifadə olunacaq və bu poçta göndərilən digər müraciətlər icraata alınmayacaq.
Bu barədə Təhsil Nazirliyindən məlumat verilib. Bildirilib ki, vətəndaşlar nazirliyə müraciət etmək üçün “Virtual bələdçi” xidmətindən, portal.edu.az platformasından və (+994) 51 206 78 48 vatsap nömrəsindən istifadə edə bilərlər.
Xatırladaq ki, nazirlik tərəfindən portal.edu.az platformasına “Vətəndaş müraciətləri” xidməti əlavə olunub. Xidmət bu sahədə aparılan işlərin daha çevik, şəffaf və keyfiyyətli təşkili ilə yanaşı, müraciətlərin elektron qaydada göndərilməsi, hər bir müraciətin vətəndaş tərəfindən addım-addım izlənilməsi və cavab alınması proseslərini asanlaşdıran üstünlüklərə malikdir.
