AMEA-da 2021-ci il üçün doktoranturaya və dissertanturaya qəbul elan edilir
06.07.2021 / Xəbərlər
Azərbaycan Respublikası Nazirlər Kabinetinin 22 iyun 2021-ci il tarixli 356s nömrəli sərəncamı ilə Azərbaycan Respublikasının ali təhsil müəssisələrinin və elmi təşkilatlarının 2021-ci il üçün doktorant və dissertant hazırlığı üzrə qəbul planı təsdiq edilib.
Qəbul planına əsasən doktorantura yolu ilə fəlsəfə doktoru hazırlığı üzrə Azərbaycan Milli Elmlər Akademiyasının elmi müəssisə və təşkilatlarına 138 yer, o cümlədən 103 yer əyani, 35 yer qiyabi, elmlər doktoru hazırlığı üzrə 37 yer, o cümlədən 11 yer əyani, 26 yer qiyabi, dissertantura yolu ilə fəlsəfə doktoru hazırlığı üzrə 167 yer, elmlər doktoru hazırlığı üzrə 85 yer müəyyən olunub.
Doktoranturaya və dissertanturaya sənədlər 5 iyul 2021-ci il tarixindən 20 avqust 2021-ci il tarixinədək qəbul ediləcək.
Qeyd edək ki, 2021-ci il üçün doktoranturaya və dissertanturaya sənəd qəbulu Azərbaycan Respublikası Nazirlər Kabinetinin 22 iyun 2021-ci il tarixli 356s nömrəli sərəncamı ilə təsdiq olunmuş qəbul planına və Azərbaycan Respublikası Nazirlər Kabinetinin 1 iyul 2010-cu il tarixli 129 nömrəli qərarına riayət olunmaqla həyata keçiriləcək.
