Lisey və gimnaziyalara qəbul imtahanında boş qalan yerlərə müraciətlərə start verilir
24.07.2021 / XəbərlərTəhsil Nazirliyinin birbaşa tabeliyində fəaliyyət göstərən lisey və gimnaziyalara mərkəzi sistemlə keçirilmiş qəbul imtahanında boş qalan yerlərə növbəti tur üçün müraciətlərə start verilir.
Təhsil İnstitutundan bildirilib ki, müraciətlər iyulun 27-si saat 16:00-a qədər qəbul edilir. Bu tarixdən sonra lisey və ya gimnaziya seçimi mümkün olmayacaq.
Nəticələr iyulun 30-dək şəxsi kabinetlərə göndəriləcək.
Qeyd edək ki, lisey və gimnaziyalara qəbul prosesi Təhsil İnstitutu tərəfindən həyata keçirilir.