AMEA İdarəetmə Sistemləri İnstitutunun əməkdaşlarının məqaləsi nüfuzlu jurnalda dərc olunub

30.07.2021 / Xəbərlər

Azərbaycan Milli Elmlər Akademiyasının  İdarəetmə Sistemləri İnstitutunun  “Determinik sistemlərdə qərar qəbuletmənin ədədi üsullаrı” laboratoriyasının rəhbəri prof. Kamil Ayda-zadə, institutun elmi işçiləri Arzu Bağırov və Vüqar Həşimovun  həmmüəllifi olduqları “Feedback Control of the Power of Moving Sources in Bar Heating” adlı məqaləsi «Cybernetics and Systems Analysis» nüfuzlu elmi jurnalda dərc olunub.
https://doi.org/10.1007/s10559-021-00384-4

Məqalədə çubuğun qızdırılması zamanı verilmiş trayektoriya üzrə hərəkət edən istilik mənbələrinin güclərinin idarəetməsinin sintezi məsələsinə baxılmışdır. İdarəetmə güclərinin cari qiymətləri nəzarət nöqtələrində çubuğun temperaturundan asılı olaraq müəyyən edilir. Birinci tərtib ədədi optimallaşma üsullarını tətbiq etməklə məsələnin həlli üçün əks əlaqə parametrləri və müşahidə nöqtələrinin koordinatlarına görə məqsəd funksionalının qradiyent komponentləri üçün düsturlar alınmışdır. Kompüter eksperimentlərinin nəticələri təqdim olunmuşdur.