AMEA-nın müxbir üzvü, professor Ağasi Məlikov Maxatma Qandi Universitetinin dissertasiya şurasına sədr seçilib
03.09.2021 / XəbərlərSon illərdə AMEA-nın müxbir üzvü Ağası Məlikovun əsasını qoyduğu ehtiyatlanma-xidmət sistemləri nəzəriyyəsi dünyanın müxtəlif elmi mərkəzlərində sürətlə inkişaf etdirilir. Belə elmi mərkəzlərdən bir neçəsi Hindistanın müxtəlif universitetlərində yerləşir. Qeyd edək ki, bu məktəblərdə yerinə yetirilən dissertasiyalar son zamanlarda elmi rəy üçün məhz Ağası Məlikova göndərilir və onu dissertasiya şuralarına açıq müdafiə üçün üzv olaraq dəvət edirlər.
Bu yaxınlarda belə bir dissretasiya işi Hindistanın Kerala ştatındakı Maxatma Qandi universitetində P.S. Reşminin riyaziyyat üzrə fəlsəfə doktoru elmi dərəcəsi almaq üçün "Ehtiyyatları xarab ola bilən stoxastik xidmət ehtiyyatlanma sistemləri" mövzusunda təqdim edilmişdir və A. Məlikov dissertasiya şurasının sədri seçilmişdir. Dissertasiyanın açıq müdafiəsi 15 sentyabr 2021-ci il tarixinə təyin edilmişdir.