“Vətən müharibəsinin başlanması səbəbləri, nəticələri və onun tarixi əhəmiyyəti” beynəlxalq elmi-praktik konfransa təqdim edilən tezislərə qoyulan TƏLƏBLƏR:

 

21-22 oktyabr 2021-ci il tarixində Azərbaycan Respublikası Silahlı Qüvvələrinin Hərbi Akademiyasının təşkilatçılığı, Türkiyə Respublikasının Milli Müdafiə Universiteti, Bolqarıstanın Rakovski Milli Müdafiə Universiteti, Ukraynanın İvan Çernyakevski adına Milli Müdafiə Universiteti, Polşanının Varmia və Mazuri Universiteti və Rumıniyanın I Karol Milli Müdafiə Universitetinin iştirakı ilə “Vətən müharibəsinin başlanması səbəbləri, nəticələri və onun tarixi əhəmiyyəti” mövzusunda “Zoom” platforması üzərindən onlayn beynəlxalq elmi-praktik konfrans keçiriləcək. Professor-müəllim heyəti, elmi işçilər, magistrant, adyunkt/doktorant, dissertant və tələbələr konfransa tezislərini təqdim edə bilərlər.

Konfransın bölmələri:

- Milli təhlükəsizlik;

- Hərbi elmlər;

- Texniki elmlər;

- Humanitar elmlər;

- Hərbi təbabət.

Tezislər təqdim olunan zaman aşağıdakı tələblər nəzərə alınmalıdır:

1. Tezis azərbaycan, rus və ingilis dillərindən birində təqdim oluna bilər.

2. Mətn ölçüləri: A4 formatında sol və sağ - 2 sm, yuxarı və aşağı - 2 sm, Times New Roman – 12, sətirlərarası interval – 1,0.

3. Tezisin həcmi: 2 səhifədən artıq olmamalıdır.

4. Tezis aşağıdakı ardıcıllıqla hazırlanmalıdır:

- məqalənin adı-ortadan, böyük hərflərlə, qalın şriftlə;

- müəlliflərin adı, soyadı, atasının adı - ortada;

- müəlliflərin iş yeri və şəhər - ortada;

- E-mail ünvanı- ortada.

5. Açar sözlər: məruzənin adına və məzmununa uyğun 5-6 əsas anlayış.

6. İstifadə edilmiş ədəbiyyat siyahısı: hər bir istinad olunan mənbənin adı tərcümə olunmadan, tezisdə istifadə olunma ardıcıllığına uyğun olaraq nömrələnir.

7. Tezisdə cədvəl və şəkillər nömrələnir: cədvəl – cədvəlin yuxarısında, sağdan (məs., Cədvəl 1), şəkil – şəklin altında, ortadan (məs., Şəkil 1) və mətn hissədən (yuxarıdan və aşağıdan) 1 boş sətir buraxmaqla göstərilir.

8. Riyazi ifadələr MS Word proqramının düstur redaktoru (Equation) ilə tərtib olunur. Mətndə ancaq istifadə olunan düsturlar nömrələnir. Düstur sətrin ortasında, nömrəsi sağda mötərizədə yazılır.

9. Konfransa təqdim olunmuş və təşkilat komitəsinin üzvləri tərəfindən müsbət rəydən keçmiş tezislər müəlliflər tərəfindən vəsait ödənilmədən materiallar toplusunda dərc olunacaqdır.

Tezislər aşağıda göstərilən ünvana elektron şəkildə təqdim edilə və ya qeyd olunan e-mailə göndərilə bilər.

Ünvan: Bakı şəhəri, Şəfayət Mehdiyev küçəsi 136, Qızıl Şərq şəhərciyi, Azərbaycan Respublikası Silahlı Qüvvələrinin Hərbi Akademiyası, Adyunktura və elm şöbəsi, Redaksiya bölməsi.

 

VACİB TARİXLƏR

11 oktyabr 2021-ci il - Materialların elektron versiyasının təqdim edilməsinin son tarixi.

18 oktyabr 2021-ci il - Konfransın proqramının göndərilməsi.

 

Əlaqə telefonları: (055) 571-15-56; (070) 571-15-56 (Whatsapp); (070) 478-38-92; (055) 787-72-27 (Whatsapp). E-mail: [email protected]; [email protected].