Dissertasiya şurasının elmi seminarının iclası keçirilmişdir

14.09.2021 / Dissertasiya şurasının iclasları

14 sentyabr 2021-ci il tarixində İdarəetmə Sistemləri İnstitutunun (İSİ) nəzdində fəaliyyət göstərən D1.20 dissertasiya şurasının 3338.01 – Sistemli analiz, idarəetmə və informasiyanın işlənməsi ixtisası üzrə elmi seminarının iclasında iddiaçılar:

1) Əliyev Elxan Telman oğlunun Texnika üzrə fəlsəfə doktoru elmi dərəcəsi almaq üçün 3338.01 – “Sistemli analiz, idarəetmə və informasiyanın işlənməsi” ixtisası üzrə yerinə yetirdiyi «BMT-nin kənd təsərrüfatı və ərzaq təşkilatının nəzdində investisiya layihələrinin dəstəyinə və xidmətinə sərf olunan xərclərlə effektiv idarəetmə üsullarının və modellərinin işlənilməsi»;

2) Vəlicanova Gülnarə Məmmədağa qızının Texnika üzrə fəlsəfə doktoru elmi dərəcəsi almaq üçün 3338.01 – “Sistemli analiz, idarəetmə və informasiyanın işlənməsi” ixtisası üzrə yerinə yetirdiyi “Kanalları müxtəlif sxemlər üzrə bölüşdürülmüş hücrəli rabitə şəbəkələrinin xarakteristikalarının hesablanması alqoritmlərinin işlənməsi” mövzusunda təqdim edilən dissertasiya işlərinin müzakirəsi keçirilmişdir.

Dissertasiya işləri müdafiə şurasının qərarı ilə növbəti mərhələyə təqdim olunmaq üçün tövsiyə edilmişdir.

Qeyd edək ki, müzakirə xüsusi karantin rejimi dövründə dissertasiya şuralarının nəzdində fəaliyyət göstərən elmi seminarlarda müzakirələrin təşkili və keçirilməsinə dair Azərbaycan Respublikasının Prezidenti yanında Ali Attestasiya Komissiyasının Rəyasət Heyətinin 29.01.2021-ci il tarixli qərarı ilə təsdiq edilmiş “Tələblər” əsasında keçirilmişdir.