AMEA İdarəetmə Sistemləri İnstitutunun əməkdaşları və institutun dissertantları Rusiyada keçirilən beynəlxalq elmi konfransda məruzə ediblər

17.09.2021 / Xəbərlər

AMEA İdarəetmə Sistemləri İnstitutunun 2.4 saylı laboratoriyasının əməkdaşları və institutun elmlər doktoru hazırlığı üzrə dissertantları 2021-ci il 13-17 sentyabr tarixlərində Rusiyanın İrkutsk şəhərində keçirilən III beynəlxalq “Dinamik sistemlər və kompüter elmləri:nəzəriyə və tətbiqləri” (DYSC-2021 http://math.isu.ru/ru/conference/2021) elmi konfransında iştirak ediblər. Konfrans İrkutsk Dövlət Universitetinin Riyaziyyat və İnformasiya Texnalogiyaları institutunun təşkilatçılığı ilə keçirilib. Konfransın proqramına laboratoriyanın 1 plenar və 7 seksiya məruzəsi daxil edilmişdir. Konfrans Online formatda Zoom platforması üzərində keçirilmişdir. Konfransda 2.4 saylı laboratoriyanın rəhbəri prof. Kamil Mənsimov plenar məruzə, laboratoriyanın a.e.i., dos., Rəşad Məstəliyev, dissertantlar BDU-nun əməkdaşları dos., Səadət Əliyeva, dos., Jalə Əhmədova isə seksiyalarda məruzə etmişlər. Məruzələr konfrans iştirakçılarının marağına səbəb olmuş, mövzular ərafında müxtəlif suallar verilmiş və müzakirələr aparılmışdır.