Dissertasiya şurasının növbəti iclası keçirilmişdir

18.09.2021 / Dissertasiya şurasının iclasları

17 sentyabr 2021-ci il tarixində AMEA İdarəetmə Sistemləri İnstitutunun nəzdində yaradılmış ED 1.19 və ED 1.20 dissertasiya şuralarının birləşmiş iclası keçirilmişdir. İclasda institutun rəhbərliyi və dissertasiya şuralarının üzvləri iştirak etmişlər. Qeyd edək ki, Ali Attestasiya Komissiyasının qərarı ilə Dissertasiya şurasının sədri akademik Əli Abbasov təyin edilmişdir.

İclası institutun baş direktoru, akademik Əli Abbasov açaraq gündəlikdə yer alan məsələləri tədbir iştirakçılarının diqqətinə çatdırmışdır.

Tədbirdə şuranın seminarından müvəffəqiyyətlə keçmiş və uyğun protokolları müdafiə şurasına təqdim olunmuş texnika üzrə fəlsəfə doktoru elmi dərəcəsi almaq üçün iddiaçılar- Firuzə Əliyeva, Elxan Əliyev, Gülnarə Vəlicanova və texnika üzrə elmlər doktoru elmi dərəcəsini almaq üçün iddiaçı Polad Heydərovun dissertasiya işləri üzrə rəsmi opponentlərin təyini və müdafiənin keçirilmə tarixinin müəyyən edilməsinə dair komissiyaların yaradılması məsələsi müzakirə olundu və səsə qoyularaq müvafiq qərarlar qəbul edildi.

Sonra gündəlikdən irəli gələn digər məsələlər müzakirə olunmuş, açıq səsvermə yolu ilə səsə qoyulmuş və qərar qəbul edilmişdir.