Yerin orbitinə çıxan ilk mülki astronavt qrupu Atlantik Okeanına uğurla eniş edib

22.09.2021 / Xəbərlər

Dörd həvəskar astronavt üç gün kosmosda olduqdan sonra Atlantik Okeanına uğurla eniş edib. Bu, Yerin orbitinə çıxan ilk xüsusi, mülki qrupdur.

Astronavt qrupuna missiya komandiri vəzifəsini icra edən “Shift 4 Payments Inc” e-ticarət firmasının baş direktoru 38 yaşlı mil­yarder Jared İsaakman rəhbərlik edib.

“Crew Dragon”dakı dörd oturacaq üçün milyarder həmkarı Elon Maska, təxminən, 200 milyon dollar məbləğində vəsait ödəyib.

İsaakmanla birlikdə kosmos səyahətinə tanımadığı üç şəxs qatılıb: geofizik və keçmiş NASA astronavt namizədi 51 yaşlı Sian Proktor, feldşer və uşaqlıqda sümük xərçəngindən xilas olan 29 yaşlı Hailey Arsenault və Hərbi Hava Qüvvələri veteranı, aerokos­mik məlumat mühəndisi 42 yaşlı Kris Sembrosky.

Bu səfər Elon Mask şirkətinin kosmik turizm bazarında yeni bir mərhələdir. Missiya lideri Todd Erikson mətbuat konfransında kos­mosa səyahətin bundan sonra adi şəxslər üçün daha əlçatan olacağı­nı bildirib.

“Xalq qəzeti”