Alimlər xərçənglə mübarizədə immuniteti gücləndirməyin üsulunu tapıblar
24.09.2021 / Xəbərlər
ABŞ-da bir qrup elm adamları şiş hüceyrələrində immuniteti gücləndirməyin üsulunu aşkar ediblər.
Tədqiqatçılar aydınlaşdırıblar ki, hüceyrənin tənəffüs yollarını bağlayan Klara toxumaları anti-immunosupresiv hərəkət faktorları istehsal edirlər. Məhz bu amillər onkoloji hüceyrələrlə mübarizəyə yönəldilib.
Tədqiqat işinin müəllifləri qısa ölçüdə radiasiyanı sınaqlar zamanı siçanlar üzərində tətbiq ediblər. Nəticədə belə təsir xərçəng əleyhinə hüceyrələrin ayrılmasını stimulyasiya edib, sağ qalmış təcrübə siçanlarının sayı isə dörd dəfə artıb. Bundan başqa, onlar müəyyən ediblər ki, radiasiyanın təsirini 8 anti-immunosupresiv amillər dəsti ilə əvəz etmək olar.
