İdarəetmə Sistemləri İnstitutunun əməkdaşı Monteneqroda keçirilən OPTIMA-2021 beynəlxalq elmi konfransında məruzə edib
29.09.2021 / XəbərlərAMEA İdarəetmə Sistemləri İnstitutunun aparıcı elmi işçisi, riyaziyyat üzrə fəlsəfə doktoru, dosent Rəhimov Anar Monteneqronun Petrovak şəhərində 2021-ci il sentyabr ayının 27-dən oktyabr ayının 1-nə kimi ZOOM platformasında Onlayn keçirilən ənənəvi XII Beynəlxalq “Optimallaşdırma və tətbiqləri” OPTIMA-2021 elmi konfransında (http://agora.guru.ru/display.php?conf=OPTIMA-2021) iştirak etmişdir. Konfrans Monteneqro Universiteti, Monteneqro Elmlər Akademiyası, Rusiya EA-nın Kompüter Hesablama Mərkəzi və s. təşkilatçılığı ilə işinə başlayıb.
Sentyabrın 28-də A.Rəhimov “Parabolik tənlikdə yalnız zamandan asılı mənbələrin bərpası məsələsinin həlli haqqında” mövzusunda məruzə ilə çıxış etmişdir. Məruzə konfrans iştirakçılarının marağına səbəb olmuşdur.
Onlayn konfransa ABŞ, Fransa, Almaniya, İsveç, Rusiya, Meksika, Portuqaliya, Belçika, Finlandiya, Avstriya və s. kimi 25-dən çox olkənin tanınmış alimləri qatılıblar. Konfrans işini oktyabrın 1-nə kimi davam etdirəcək.