İdarəetmə Sistemləri İnstitutunun əməkdaşları və institutun dissertantları Belarusiyada keçirilən beynəlxalq elmi konfransda məruzə ediblər

11.10.2021 / Konfranslar, İclaslar, Çıxışlar

AMEA İdarəetmə Sistemləri İnstitutunun (İSİ) 2.4 saylı laboratoriyasının əməkdaşları və institutun elmlər doktoru hazırlığı üzrə dissertantları 5-10 oktyabr 2021-ci il  tarixlərində Minsk şəhərində  Belarusiya Dövlət Universitetinin və Belarusiya EA-nın Riyaziyyat İnstitutunun təşkilatçılığı ilə Zoom platforması üzərindən onlayn formatda keçirilən beynəlxalq elmi konfransında  iştirak ediblər.

Prof. R.F.Qabasovun xatirəsinə həsr olunan “Dinamik sistemlər: dayanıqlıq, idarəetmə, optimallaşdırma” ( DSSCO’21 http://conf.bsu.by) konfransda proqram komitəsinin üzvü, “Optimal idarə, müşahidə, qiymətləndirmə” seksiyasının sədri İSİ-nin 2.4 saylı laboratoriyanın rəhbəri prof. Kamil Mənsimov olmuşdur.

Konfransın proqramına laboratoriyanın 4  məruzəsi daxil edilmişdir. “Optimal idarə, müşahidə, qiymətləndirmə” seksiyasında prof. Kamil Mənsimov, dos. Rəşad Məstəliyev, dissertantlar BDU-nun əməkdaşları dos. Səadət Əliyeva, dos. Jalə Əhmədova məruzələrlə çıxış ediblər.

Məruzələr konfrans iştirakçılarının  marağına səbəb olmuş, müzakirələr aparılmış və suallar cavablandırılmışdır.