Mərkəzi Elmi Kitabxana oxuculara qapılarını yenidən açır
13.10.2021 / Xəbərlər
Ölkənin nüfuzlu böyük kitabxanaları sırasında yer alan, tərkibində 2 milyona yaxın dəyərli nəşrlərin mühafizə olunduğu AMEA-nın Mərkəzi Elmi Kitabxanası (MEK) oktyabr ayının 15-dən etibarən oxucularına əyani xidməti yenidən bərpa edir.
Qeyd edək ki, Azərbaycan Respublikası Nazirlər Kabinetinin qərarına əsasən, MEK-də oxucular üçün kitabxana fəaliyyəti pandemiya ilə əlaqədar olaraq 2020-ci ilin mart ayında dayandırılmış və fəaliyyətini onlayn şəkildə həyata keçirirdi.
Xatırladaq ki, oxucuların kitabxana daxilində rahatlığı üçün bütün şərait yaradılıb, hər mərtəbədə karantin qaydalarına uyğun xüsusi oxu zalları təşkil olunub.
Kitabxanada lazımi qabaqlayıcı tədbirlər də həyata keçirilib. Ümumilikdə MEK əməkdaşlarının 98%-i özlərinin və oxucuların sağlamlığı üçün vaksinasiya prosesində aktiv iştirak ediblər. MEK tam heyəti ilə oxuculara xidmət etməyə hazırdır.
Bütün oxucularımızı MEK daxilində xidmətlərdən istifadə zamanı sanitar-gigiyenik normalara əməl etməyə çağırırıq.
Onu da qeyd edək ki, kitabxanaya giriş COVID-19-a qarşı peyvənd və yaxud immunitet sertifikatı ilə mümkün olacaq.
