Dissertasiya şurasının elmi seminarının iclası keçirilmişdir
16.11.2021 / Dissertasiya şurasının iclasları16 noyabr 2021-ci il tarixində İdarəetmə Sistemləri İnstitutunun (İSİ) nəzdində fəaliyyət göstərən D1.20 dissertasiya şurasının
1) 3338.01 – Sistemli analiz, idarəetmə və informasiyanın işlənməsi ixtisası üzrə elmi seminarının iclasında iddiaçı: Əlizadə Ülkər Mehmanəli qızının Texnika üzrə fəlsəfə doktoru elmi dərəcəsi almaq üçün 3338.01 – “Sistemli analiz, idarəetmə və informasiyanın işlənməsi” ixtisası üzrə yerinə yetirdiyi “Müstəvidə mürəkkəb təsvirlərin tanınması üsullarının və alqoritmlərinin işlənilməsi ( USM təsvirləri timsalında);
2) 1203.01- “Kompüter elmləri (texnika sahəsi)” ixtisası üzrə elmi seminarının iclasında iddiaçı: Salmanova Məlahət Nəsiman qızının Texnika üzrə fəlsəfə doktoru elmi dərəcəsi almaq üçün 1203.01- “Kompüter elmləri (texnika sahəsi)” ixtisası üzrə yerinə yetirdiyi “Qeyri səlis zaman petri şəbəkəsinin tətbiqi ilə mürəkkəb sistemlərin idarəetmə model və alqoritmlərinin işlənməsi” mövzusunda təqdim edilən dissertasiya işlərinin müzakirəsi keçirilmişdir.
Dissertasiya işləri müdafiə şurasının qərarı ilə növbəti mərhələyə təqdim olunmaq üçün tövsiyə edilmişdir.
Qeyd edək ki, müzakirə xüsusi karantin rejimi dövründə dissertasiya şuralarının nəzdində fəaliyyət göstərən elmi seminarlarda müzakirələrin təşkili və keçirilməsinə dair Azərbaycan Respublikasının Prezidenti yanında Ali Attestasiya Komissiyasının Rəyasət Heyətinin 29.01.2021-ci il tarixli qərarı ilə təsdiq edilmiş “Tələblər” əsasında keçirilmişdir.