İdarəetmə Sistemləri İnstitutunun Elmi şurasının iclası keçirilmişdir

17.11.2021 / Elmi şuranın iclasları

17 noyabr 2021-ci il tarixində İdarəetmə Sistemləri İnstitutunun (İSİ) laboratoriyalarının 2021-ci il üzrə hesabatları dinlənilmişdir. Tədbirdə institutun rəhbərliyi, şura üzvləri, şöbə və laboratoriya müdirləri tam heyətdə iştirak etmişdirlər.

İclasda  İnstitutun Tanıma, identifikasiya və optimal qərar qəbuletmə üsulları, İqtisadiyyatın qeyri-səlis modelləri, Mürəkkəb dinаmik sistemlərdə idаrəetmə üsulları, Qərarların qəbul edilməsini dəstəkləyən informasiya sistemləri, Kütləvi xidmət və ehtiyatların idarə edilməsi sistemlərinin modelləşdirilməsi laboratoriyalarının və Elmi-texniki informasiya və patent tədqiqatları, Beynəlxalq əlaqələr və innovasiya şöbələrinin 2021-ci il üzrə hesabatları dinlənilmişdir.

Sonda dinlənilən hesabatlarla bağlı geniş müzakirə aparıldı, açıq səs vermə keçirildi və hesabatlar müsbət qiymətləndirildi.