AMEA-nın müxbir üzvü Əminağa Sadıqov beynəlxalq simpoziumda iştirak edib

01.12.2021 / Xəbərlər

AMEA İdarəetmə Sistemləri İnstitutunun (İSİ) icraçı direktoru, AMEA-nın müxbir üzvü Əminağa Sadıqov 30 noyabr 2021-ci ildə Ukraynanın Kiyev şəhərində hibrid rejimdə keçirilən “Paton elmi ənənələri müasir elmin qarşısında duran yeni çağırışların işığında” Beynəlxalq simpoziumunda iclasında iştirak edib.

Ə.Sadıqov Simpoziumun plenar iclasında çıxış edərək Elmlər Akademiyalarının Beynəlxalq Assosiasiyasının prezidenti kimi akademik Boris Evgenyeviç Patonun MDB ölkələrində milli elmlər akademiyalarının qorunub saxlanmsında və inkişafıdaki rolundan, Azərbaycan-Ukrayna elmi əlaqələrindən, o cümlədən AMEA İdarəetmə Sistemləri İnstitutunun Ukrayna MEA-nın Akademik Qluşkov adına Kibernetika İnstitutu ilə əməkdaşlığından və onların inkişaf perspektivlərindən danışıb.

Ə.Sadıqov, həmçinin dünya şöhrətli alim akademik Paton haqqında şəxsi xatirələrini Simpozium iştirakçıları ilə bölüşüb.