İdarəetmə Sistemləri İnstitutunun Elmi şurasının iclası keçirilmişdir

02.12.2021 / Elmi şuranın iclasları

2 dekabr 2021-ci il tarixində İdarəetmə Sistemləri İnstitutunun (İSİ) laboratoriyalarının 2021-ci il üzrə hesabatları dinlənilmişdir. Tədbirdə İnstitutun rəhbərliyi, Elmi şura üzvləri, müvafiq laboratoriya və şöbə əməkdaşları iştirak etmişdirlər. 

İclası İSİ-nin icraçı direktoru, AMEA-nın müxbir üzvü Əminağa Sadıqov açaraq gündəlikdəki məsələləri tədbir iştirakçılarının diqqətinə çatdırdı.

İclasda institutun Dinamik sistemlərin kompüter modelləşdirilməsi, Neft sənayesində nano-texnologiyaların tətbiqinin riyazi modelləşdirmə, Fiziki, bioloji və iqtisadi proseslərdə idarəetmənin riyazi analizi, Tətbiqi ehtimal-statistik metodlar laboratoriyalarının və Təhsil şöbəsinin 2021-ci il üzrə hesabatları dinlənilmişdir. Sonra şura üzvləri tərəfindən suallar səsləndirildi, geniş müzakirələr aparıldı və hesabatlar müsbət qiymətləndirildi.

Daha sonra şura üzvləri tərəfindən İSİ-də müvafiq laboratoriya və şöbə müdiri vəzifələrinə seçkilərin keçirilməsi müzakirə olundu, səsə qoyularaq müvafiq qəaralar qəbul edildi. Seçkilərin nəticələri ilə bağlı Fizika-Riyaziyyat və Texnika Elmləri Bölməsi (FRTEB) qarşısında vəsatət qaldırılması qərara alındı.

Sonda institutun icraçı direktoru Əminağa Sadıqov iclasa yekun vuraraq təqdim olunan hesabatları müsbət qiymətləndirdi, qarşıda duran əsas vəzifələrin yerinə yetirilməsi üçün müəyyən tövsiyələrini səsləndirdi.