Dekabrın 3-də UNEC İqtisadi Forum 2021 öz işini başa çatdırıb

04.12.2021 / Xəbərlər

Dövlət müstəqilliyinin bərpasının 30-cu ildönümünə həsr olunan “Zəfər yolu” adlı forumun növbəti paneli “Postpandemiya dövründə biznes transformasiyası” mövzusunda olub.

Forumda Nobel Sülh mükafatı laureatı Məhəmməd Yunus, KOBİA-nın İdarə Heyətinin sədri Orxan Məmmədov, PAŞA Holdinqin Baş İcraçı direktoru Cəlal Qasımov, BP-nin Kommunikasiyalar, xarici əlaqələr, strategiya və region üzrə vitse prezidenti Bəxtiyar Aslanbəyli, Veon Şirkətinin Rəqəmsal və yeni biznesin inkişafı üzrə vitse-prezidenti (Rusiya) George Held mövzu ilə bağlı məruzələrlə çıxış ediblər.

Çıxışlardan sonra məruzəçilər mövzu ilə bağlı iştirakçıların suallarını cavablandırıblar. Paneldə AMEA İdarəetmə Sistemləri İnstitutunundan (İSİ) t.ü.f.d. Tofiq Babayev və r.ü.f.d. Anar Rəhimov iştirak ediblər.

Forum “Qarabağa böyük qayıdış: Dayanıqlı məskunlaşma və iqtisadi reinteqrasiya” mövzusunda panel 5 müzakirələri ilə davam edib.

Forumun panelində Azərbaycan Respublikası ekologiya və təbii sərvətlər naziri Muxtar Babayev, kənd təsərrüfatı naziri İnam Kərimov, ATİB-in İdarə Heyətinin sədri Camal Yanğın, Energetika Nazirliyi yanında Bərpa Olunan Enerji Mənbələri Dövlət Agentliyinin direktoru Təbriz Əmmayev və Qarabağ Dirçəliş Fondunun rəhbəri Rəhman Hacıyev iştirak ediblər.

İştirakçıların böyük maraqla dinlədikləri çıxışlardan sonra suallar cavablandırılıb. Müzakirələrdə AMEA İSİ-dən t.ü.f.d. Xanmurad Abdullayev və kiçik elmi işçi Lamiyə Nəcəfova iştirak ediblər.