İdarəetmə Sistemləri İnstitutunun əməkdaşı beynəlxalq konfransda iştirak etmişdir

10.12.2021 / Xəbərlər

7-8 dekabr 2021-ci il tarixlərində interaktiv platformada təhsildə yeni təhsil texnologiyalarına dair “Edcrunch Glocal - yeni təhsil təcrübəsinin layihələndirilməsi” mövzusunda onlayn formatda konfrans keçirilmişdir.

EdCrunch təhsildə yeni texnologiyalar üzrə Avropanın ən böyük konfransıdır. Konfrans təhsil sisteminin inkişafına və təhsil sahəsində smart texnologiyaların tətbiqinə həsr olunub. Ağıllı şəhərlər, yaşıl enerji, rəqəmsal texnologiyalar, distant iş, əmək bazarının transformasiyası kimi qlobal inkişafda əldə olunan nailiyyətlər rəqəmsal istifadəçi təcrübəsinin dəyişdirilməsi zərurətinə və təhsil sistemi üçün artan gözləntilərə səbəb olur. Tədbirdə müxtəlif ölkələrdən olan ümumi, ali və əlavə təhsil müəllimləri, elmi tədqiqatçılar, tərtibatçılar, siyasətçilər, İT şirkətlərinin təsisçiləri, investorlar, EdTech bazarının liderləri çıxış ediblər.

AMEA İdarəetmə Sistemləri İnstitutunun “Beynəlxalq əlaqələr və innovasiya” şöbəsinin elmi işçisi Valeriya Puşnova onlayn videokonfransda iştirak etmiş və ona sertifikat təqdim edilmişdir.

Konfransda yeni imkanlar - həm ənənəvi, həm də distant formada təhsil sahəsinin təkmilləşdirilməsi, ən yaxşı təhsil təcrübəsinin əldə edilməsi üçün nəzəri metodlar və praktiki vasitələr müzakirə edilib.