İdarəetmə Sistemləri İnstitutu və Azərbaycan Gənc Müəllimlər Assosiasiyası birgə əməkdaşlığa başladı
06.01.2022 / Mühüm xəbərlərAzərbaycan Milli Elmlər Akademiyası (AMEA) İdarəetmə Sistemləri İnstitutu və Azərbaycan Gənc Müəllimlər Assosiasiyası (AGMA) birgə əməkdaşlığa başladı.
Son illər müəllimlərin peşəkarlığı və səriştəliliyi tez-tez gündəmə gəlir. Peşəkarlıqla səriştəliliyin müəllimdə cəmləşməsi onun pedaqoji ustalığının əsas əlamətləri kimi qeyd olunur.
Apardığımız araşdırmaların nəticəsində müəyyən etdik ki, region müəllimlərində texniki bacarıqların inkişaf etdirilməsinə böyük ehtiyac vardır.
İdarəetmə Sistemləri İnstitutunun gənc müəllimləri və magistr tələbələri, gənc müəllimlərə texniki bacarıqların artırılması məqsədilə təlimlər keçəcəklər.
AMEA İdarəetmə Sistemləri İnstitu tərəfindən layihənin koordinasiyası "İnformasiyanın intellektual emal sistemləri" laboratoriyasının dissertantı və elmi işçisi Hidayetzadə Səyyarə tərəfindən həyata keçiriləcəkdir.
Bu layihə gənc müəllimləri böyük motivasiya edəcək və Azərbaycanın gələcəyi olan istedadlı yeni nəslin inkişafı üçün böyük imkanlar yaradacaqdır.