İdarəetmə Sistemləri İnstitutunda magistrantların qış imtahan sessiyası başlamışdır
06.01.2022 / Mühüm xəbərlərAzərbaycan Milli Elmlər Akademiyası Prezidentinin 21 dekabr 2021-ci il tarixli 590 №-li sərəncamına əsasən 2021/2022-ci il tədris ilinin qış imtahan sessiyası 2022-ci il yanvar ayının 5-dən fevral ayının 2-dək keçiriləcəkdir.
Sessiya ərzində “Kömpüter elmləri” və “Proseslərin avtomatlaşdırılması mühəndisliyi” ixtisasları üzrə I kursda təhsil alan 3, II kursda təhsil alan 7 magistrant imtahanlarda iştirak edəcəkdir.
İlk imtahanlar 6 yanvar 2022-ci il tarixində II kurs magistrantlar üçün keçirilmişdir. “Kömpüter elmləri” ixtisası üzrə təhsil alan magistrantlar fənn müəllimi, r.ü.f.d., dos. Gülçin Abdullayevanın tədris etdiyi “İdarəetmədə neyron şəbəkə və qeyri-səlis sistemlər” fənnindən, “Proseslərin avtomatlaşdırılması mühəndisliyi” ixtisası üzrə təhsil alan magistrant fənn müəllimi, texnika üzrə fəlsəfə doktoru, dosent Tahir Əlizadənin tədris etdiyi “Avtomatikanın müasir texniki vasitələri” fənnindən imtahanlarda iştirak etmişdir. İmtahanlarda İnstitutun Təhsil şöbəsinin müdiri, r.ü.f.d. Sevinc Quliyeva və şöbənin əməkdaşları da iştirak etmişdir.
Qış imtahan sessiyası ərzində keçiriləcək növbəti imtahanlar 7, 10, 14, 17, 18, 21, 25, 26 və 31 yanvar tarixlərinə təyin edilmişdir.