İdarəetmə Sistemləri İnstitutunda magistrantların qış imtahan sessiyası uğurla başa çatmışdır
31.01.2022 / Mühüm xəbərlərAzərbaycan Milli Elmlər Akademiyası Prezidentinin 21 dekabr 2021-ci il tarixli 590 №-li sərəncamına əsasən İdarəetmə Sistemləri İnstitutunda magistrantların 2021/2022-ci tədris ili üzrə qış imtahan sessiyası keçirilmişdir.
Sessiya ərzində “Kömpüter elmləri” və “Proseslərin avtomatlaşdırılması mühəndisliyi” ixtisasları üzrə I kursda təhsil alan 7 magistrant ümumilikdə 8 imtahanda, II kursda təhsil alan 3 magistrant isə ümumilikdə 9 imtahanda iştirak etmişdir.
31 yanvar 2022-ci il tarixində qış imtahan sessiyasının son imtahanı I kurs magistrantlar üçün keçirilmişdir. “Kömpüter elmləri” və “Proseslərin avtomatlaşdırılması mühəndisliyi” ixtisasları üzrə təhsil alan magistrantlar fənn müəllimi, texnika elmləri doktoru, dosent Fəhrad Paşayevin tədris etdiyi “İdarəetmədə paylanmış informasiya sistemləri” fənnindən imtahanda iştirak ediblər. İmtahanda İnstitutun Təhsil Şöbəsinin müdiri, riyaziyyat üzrə fəlsəfə doktoru Sevinc Quliyeva da iştirak etmişdir.
Bununla da, İdarəetmə Sistemləri İnstitutunda 2021/2022-ci tədris ilinin qış imtahan sessiyası başa çatmışdır.