Dissertasiya işinin ilkin müzakirəsi keçirilmişdir
09.02.2022 / Dissertasiya şurasının iclasları8 fevral 2022-ci il tarixində AMEA İdarəetmə Sistemləri İnstitutunun (İSİ) 1, 7, 8, 9, 14, 23 saylı laboratoriyalarının birgə seminarında AMEA-nın müxbir üzvü, prof. Kamil Ayda-zadənin elmi məsləhətçiliyi ilə Rəhimov Anar Bəybala oğlunun riyaziyyat elmlər doktoru elmi dərəcəsi almaq üçün 1203.01 – "Kompüter elmləri" ixtisası üzrə yerinə yetirdiyi “Dinamik sistemlər üçün funksiyaların verilmiş siniflərində tərs və optimal idarəetmə məsələlərinin tədqiqi və ədədi həlli” mövzusunda dissertasiya işinin ilkin müzakirəsi keçirilmişdir.
Dissertasiya işi elmi seminarın qərarı ilə növbəti mərhələyə təqdim olunmaq üçün tövsiyə edilmişdir.
Müzakirə xüsusi karantin rejimi dövründə dissertasiya şuralarının nəzdində fəaliyyət göstərən elmi seminarlarda müzakirələrin təşkili və keçirilməsinə dair Azərbaycan Respublikasının Prezidenti yanında Ali Attestasiya Komissiyasının Rəyasət Heyətinin 29.01.2021-ci il tarixli qərarı ilə təsdiq edilmiş “Tələblər” əsasında keçirilmişdir.