Qazaxıstanda təqaüdlə təhsil almaq istəyənlərin nəzərinə
15.04.2022 / Maraqlı məlumatlar
Qazaxıstanın Elm və Təhsil Nazirliyi Azərbaycan vətəndaşları üçün 2022-2023-cü tədris ili üzrə təqaüd proqramına sənəd qəbulu aparılır.
Bu barədə Təhsil Nazirliyindən məlumat verilib. Bildirilib ki, təqaüd proqramı Qazaxıstan Respublikasının Elm və Təhsil Nazirliyi ilə Azərbaycan Respublikasının Təhsil Nazirliyi arasında təhsil sahəsində əməkdaşlığa dair 2017-ci il 3 aprel tarixli müqaviləyə əsasən həyata keçirilir. Proqram iki ölkənin vətəndaşlarına tələbə mübadiləsi əsasında qarşı ölkənin ali təhsil müəssisələrində bakalavriat və magistratura səviyyələri üzrə təhsil almaq imkanı yaradır.
Təqaüd proqramına aprelin 30-dək müraciət etmək olar. Proqram haqqında ətraflı məlumat Təhsil Nazirliyinin saytında yerləşdirilib.
