İdarəetmə Sistemləri İnstitutunun əməkdaşının yeni monoqrafiyası çapdan çıxıb
20.04.2022 / Nəşr fəaliyyətiAMEA İdarəetmə Sistemləri İnstitutunun (İSİ) "İctimaiyyətlə əlaqələr" şöbəsinin müdiri, iqtisad üzrə fəlsəfə doktoru Aygün Əliyevanın "Основные направления организации обслуживающего производства в промышленном секторе Азербайджанской Республики" (Azərbaycan Respublikasının sənaye sektorunda istehsala xidmətin təşkilinin əsas istiqamətləri) adlı monoqrafiyası çapdan çıxıb.
Rus dilində işıq üzü görən monoqrafiyada Azərbaycan Respublikasında son illər ərzində sənaye sektorunun rəqabət qabiliyyətinin artırılmasına və ixracyönümlülüyünün təmin edilməsinə yönəlmiş və həyata keçirilən səmərəli sənaye siyasəti haqqında geniş məlumat verilib. Həmçinin monoqrafiyada ölkə iqtisadiyyatının qarşısında duran əsas vəzifələrdən biri olan qeyri-neft sektorunun innovativ inkişafının təmin edilməsinə istiqamətlənmiş yeni yanaşmalar yer almışdır.
Yeni nəşr sənaye sektorunun inkişaf etdirilməsi problemləri ilə məşğul olan mütəxəssislər, elmi işçilər, doktorantlar və magistrlar üçün nəzərdə tutulub.