İdarəetmə Sistemləri İnstitutunun əməkdaşlarının məqaləsi Rusiya EA-nın nüfuzlu jurnalında dərc olunub

11.05.2022 / Nəşr fəaliyyəti

AMEA  İdarəetmə Sistemləri İnstitutunun (İSİ) “Mürəkkəb dinamik sistemlərdə idarəetmə üsulları” laboratoriyasının müdiri, professor Kamil Mənsimov və laboratoriyanın  aparıcı elmi işçisi, dosent Rəşad Məstəliyevin həmmüəllif olduqları  məqalə Rusiya Elmlər Akademiyasının  «Автоматика и телемеханика, 2022, №4» (Automation and Remote Control) jurnalında dərc olunmuşdur.

Məqalə küylərlə xarakterizə olunan hiperbolik tip ikinci tərtib stoxastik Qursa-Darbu sistemləri ilə təsvir olunan optimal idarəetmə məsələsinin tədqiqinə həsr olunmuş, müxtəlif şərtlər daxilində optimallıq üçün Pontryaginin maksimum prinsipi tipli  birinci tərtib zəruri şərt tapılmış və məxsusi idarələrin optimallığı araşdırılmışdır.