"TeknoFest Azərbaycan" festivalı keçiriləcək
13.05.2022 / Maraqlı məlumatlarTEKNOFEST Türkiyənin ən böyük aviasiya, kosmos və texnologiya festivalıdır. Bu festival həm də aviasiya, kosmos və texnologiya sahəsində dünyada ən böyük və nüfuzlu tədbirlərdən biri hesab olunur.
Festival 2018-ci ildən başlayaraq hər il təşkil olunur və ən yeni texnologiyaların və texnoloji ideyaların nümayiş etdirildiyi bir məkana çevrilmişdir.
Bu ilki TEKNOFEST festivalı ilk dəfə olaraq Türkiyədən xaricdə - Azərbaycanda təşkil olunur. Festival cari ilin 26-29 may tarixlərində "Bakı Kristal Zalı" və Dənizkənarı bulvar ərazisində keçiriləcəkdir.
TEKNOFEST-AZƏRBAYCAN festivalında 8 kateqoriya üzrə texnologiya müsabiqələrinin keçirilməsi nəzərdə tutulur. Bu müsabiqələr içərisində süni intellekt, yaşıl texnologiyalar, robotexnika, raket və PUA sistemləri, aqrar texnologiyalar, şəbəkə oyunları və digər sahələrdə qabaqcıl və orijinal ideyaların nümayiş etdirilməsi həyata keçirilir və qaliblər mükafatlandırırlır.
Festivalın təşkilatçıları “Türkiyə Texnologiya Komandası” - T3 Fondu, Azərbaycan Respublikasının Rəqəmsal İnkişaf və Nəqliyyat Nazirliyi və Türkiyə Respublikasının Sənaye və Texnologiya Nazirliyidir.
Sərgidə iştirak etmək üçün aşağıdakı linkə keçid edin və ödənişsiz bilet əldə edin:
https://iticket.az/events/teknofest/teknofest