Dünyada ilk dəfə həkim dəstəyi olmadan xəstəliyi müəyyən edən texnologiya hazırlanıb
16.05.2022 / Maraqlı məlumatlar
Səhiyyədə süni intellektin tətbiqi sahəsində inqilabi hadisə baş verib. Belə ki, Litvanın “Oxipit” startapı döş qəfəsinin rentgenoqramlarının analizi üçün “avtonom süni intellekt” şəklində olan öz məhsuluna dünyada ilk CE Mark sertifikatının alındığını bəyan edib.
Şirkətdən bildirilib ki, həkim dəstəyi olmadan xəstəliyi müəyyən edən texnologiya 99%-dən çox spesifiklik zamanı 90% “normaya” qədər xəstəliyi müəyyən etməyə imkan verir.
Norma dedikdə sağlam pasiyentlərin (patologiyalarsız) döş qəfəsinin rentgenoqramları nəzərdə tutulur. Süni intellekt məhz belə tədqiqatları rentgenoloqun təsvirə və analizə sərf etdiyi vaxta qənaət etməklə müəyyən edir. Spesifikliyin 99% olması isə göstərir ki, kritik sinifin obyekti, məsələn, bədxassəli şişin mövcudluğu ehtimalı zamanı o, tədqiqatı “norma” kimi qeyd etməyəcək.
Şirkətin bu xidməti “ChestLink” adını alıb və artıq 75 növ patologiyanı müəyyən edir.
