2022-ci il üçün doktorantura və dissertanturaya sənəd qəbulu başa çatmışdır

16.05.2022 / Mühüm xəbərlər

AMEA Rəyasət Heyətinin 1 aprel 2022-ci il tarixli 8/4 nömrəli qərarına əsasən 2022-ci il üçün fəlsəfə doktoru və elmlər doktoru hazırlığı üzrə doktorantura və dissertanturaya qəbul elan edilmişdir. İddiaçıların sənədləri 5 aprel-10 may 2022-ci il tarixlərində qəbul edilmişdir.

Azərbaycan Respublikası Nazirlər Kabinetinin 5 mart 2022-ci il tarixli 140s nömrəli sərəncamı ilə təsdiq olunmuş “Azərbaycan Respublikasının ali təhsil müəssisələrinin, elmi təşkilatların 2022-ci il üçün doktorant və dissertant hazırlığı üzrə qəbul planı”na əsasən İdarəetmə Sistemləri İnstitutunun fəlsəfə doktoru hazırlığı üzrə doktoranturasına 3 yer, dissertanturasına 6 yer, elmlər doktoru hazırlığı üzrə doktoranturasına 2 yer ayrılmışdır.

Təqdim edilmiş ərizələrə əsasən İdarəetmə Sistemləri İnstitutunun fəlsəfə doktoru hazırlığı üzrə doktoranturasına 14, dissertanturasına 8, elmlər doktoru hazırlığı üzrə doktoranturasına isə 2 iddiaçı müraciət etmişdir.