İdarəetmə Sistemləri İnstitutunun əməkdaşının məqaləsi nüfuzlu beynəlxalq jurnalda çap olunub

22.05.2022 / Nəşr fəaliyyəti

AMEA İdarəetmə Sistemləri İnstitutunun (İSİ) "Mürəkkəb dinamik sistemlərdə idarəetmə üsulları” laboratoriyanın aparıcı elmi işçisi, dosent Rəşad Məstəliyevin “Stoxastik Qursa-Darbu sistemlərində Laqranj vuruqlarına ayırma üsulu” adlı məqaləsi ABŞ-da nəşr olunan beynəlxalq “Global Journal of Science Frontier Research. Mathematics and Decision, 2022, v. XXII” jurnalında dərc olunmuşdur.

Məqalə hiperbolik tip ikinci tərtib stoxastik Qursa-Darbu sistemləri ilə təsvir olunan optimal idarəetmə məsələsinin tədqiqinə həsr olunmuş və Laqranj vuruqlarına ayırma üsulunun köməyi ilə optimallıq üçün yeni birinci tərtib zəruri şərt tapılmışdır.