“Yüksək Texnologiyalar Parkı”: “Teknofestdə məhsullarımıza maraq böyükdür”
27.05.2022 / Maraqlı məlumatlar
AMEA-nın “Yüksək Texnologiyalar Parkı” MMC-nin (YTP) “TEKNOFEST-Azərbaycan” Aerokosmik və Texnologiya Festivalında nümayiş etdirdiyi məhsullara maraq böyükdür” .
Bu fikirləri YT Parkın baş direktoru Vasif Abbasov bildirib.
“Burada YTP-nin ərazisində fəaliyyət göstərən “Elm və Texnologiyalar Parkı”, “Təcrübə-Sənaye Zavodu”, “Beyt”, “İnkor”, “Proline Chemicals” və “Troniq” MMC-lər məhsullarını nümayiş etdirirlər. Məhsullar arasında kənd təsərrüfatı sahəsində monitorinq üçün nəzərdə tutulmuş pilotsuz uçuş aparatları, bitki əsaslı sürtkülər və sürtkü materialları, mineral, sənaye, mühərrik, hidravlik və transmissiya yağları, “Smart” arı yeşikləri, LED lampa üçün diod və mikrosxemlər, müxtəlif növ robot texnikası, platalar, süni intellekt məhsulları, xüsusi qatqılar, gübrələr, dərman preparatları yer alıb. Sevindirici haldır ki, bu innovativ məhsullarmıza olduqca böyük maraq göstərilir. Onlar analoqlarından bir çox xüsusiyyətlərinə görə irəlidədir, rəqabətqabiliyyətli olmaları ilə seçilir”, - deyə o, qeyd edib.
