İdarəetmə Sistemləri İnstitutunda magistrantların yay imtahan sessiyası başlamışdır
07.06.2022 / Mühüm xəbərlərAzərbaycan Milli Elmlər Akademiyası Prezidentinin 26 may 2022-ci il tarixli 177 №-li sərəncamına əsasən 2021/2022-ci tədris ilinin yay imtahan sessiyası 2022-ci il iyun ayının 1-dən iyul ayının 5-dək keçiriləcəkdir.
İdarəetmə Sistemləri İnstitutunda yay imtahan sessiyası ərzində “Kompüter elmləri” ixtisası üzrə təhsil alan 6, “Proseslərin avtomatlaşdırılması mühəndisliyi” ixtisası üzrə təhsil alan 1 magistrant imtahanlarda iştirak edəcəkdir.
İlk imtahanlar 6 iyun 2022-ci il tarixində keçirilmişdir. “Kompüter elmləri” ixtisası üzrə təhsil alan magistrantlar fənn müəllimi – r.ü.f.d., dosent Gülçin Abdullayevanın tədris etdiyi “Müasir informasiya texnologiyalarının elmi tədqiqatlarda tətbiq olunması” və fənn müəllimi – r.ü.f.d., dosent Ədalət Paşayevin tədris etdiyi “3D kompüter texnologiyaları” fənlərindən, “Proseslərin avtomatlaşdırılması mühəndisliyi” ixtisası üzrə təhsil alan magistrant isə fənn müəllimi – t.ü.f.d., dosent Tahir Əlizadənin tədris etdiyi “Proseslərin avtomatlaşdırılması mühəndisliyinin müasir problemləri” fənnindən imtahanlarda iştirak etmişdir.
İmtahanlarda institutun Təhsil şöbəsinin müdiri, r.ü.f.d. Sevinc Quliyeva və şöbənin əməkdaşları da iştirak etmişdir.
Yay imtahan sessiyası ərzində keçiriləcək növbəti imtahanlar 20, 24 və 28 iyun 2022-ci il tarixlərinə təyin olunmuşdur.