İdarəetmə Sistemləri İnstitutunun əməkdaşları XIX Xəzər Beynəlxalq Nəqliyyat, Tranzit və Logistika sərgisində iştirak ediblər

07.06.2022 / Mühüm xəbərlər

1-3 iyun 2022-ci il tarixlərində Bakı Ekspo Mərkəzində XIX Xəzər Beynəlxalq Nəqliyyat, Tranzit və Logistika sərgisi keçirilib. Sərgidə Azərbaycan tərəfindən və digər xarici ölkələrin dövlət nəqliyyat strukturlarını təmsil edən rəhbər və mütəxəssislər də iştirak ediblər.

Beynəlxalq sərgidə Azərbaycan, Almaniya, Belarus, Yunanıstan, İtaliya, Qazaxıstan, Rusiya Federasiyası, Türkiyə və Birləşmiş Ərəb Əmirliklərinin kommersiya şirkətləri, nəqliyyat-logistika, ekspedisiya, o cümlədən dəmir yolu sahəsində çalışan strukturlar, beynəlxalq korporasiyalar öz xidmətlərini, yeni texnologiya və avadanlıqlarını nümayiş ediblər. Stendlərdə dünya nəqliyyat texnologiyalarının ən son nümunələri - dəmir yollarının, dəniz limanlarının, aerodromların və logistika mərkəzlərinin tikintisi üzrə unikal texnologiyalar, habelə vaqonların istehsalı və gəmiqayırma sahəsində beynəlxalq təcrübə təqdim olunub.

Qeyd edək ki, tədbirdə AMEA İdarəetmə Sistemləri İnstitunun (İSİ) Beynəlxalq əlaqələr və innovasiya şöbəsinin əməkdaşları Valeriya Puşnova və Firəngiz İmanova iştirak ediblər.