İdarəetmə Sistemləri İnstitutunda magistrantların yay imtahan sessiyası başa çatıb

29.06.2022 / Mühüm xəbərlər

Azərbaycan Milli Elmlər Akademiyasının (AMEA) prezidenti v.i.e., akademik Arif Həşimovun 26 may 2022-ci il tarixli 177 №-li sərəncamına əsasən AMEA-da 2022-ci il iyun ayının 1-dən iyul ayının 5-dək magistrantların 2021/2022-ci tədris ili üzrə yay imtahan sessiyası keçirilir.

İdarəetmə Sistemləri İnstitutunda (İSİ) yay imtahan sessiyası ərzində “Kompüter elmləri” və “Proseslərin avtomatlaşdırılması mühəndisliyi” ixtisasları üzrə I kursda təhsil alan 7 magistrant ümumilikdə 8 imtahanda iştirak etmişdir.

28 iyun 2022-ci il tarixində yay imtahan sessiyasının son imtahanları keçirilmişdir. Magistrantlar fənn müəllimləri – r.ü.f.d., dosent Gülçin Abdullayevanın tədris etdiyi “İdarəetmə sistemlərində qərar qəbuletmə üsulları” və t.ü.f.d., dosent Tahir Əlizadənin tədris etdiyi “İdarəetmə obyektlərinin identifikasiya üsulları” fənlərindən imtahanlarda iştirak ediblər. İmtahanlarda İnstitutun Təhsil şöbəsinin müdiri, r.ü.f.d. Sevinc Quliyeva və şöbənin əməkdaşları da iştirak ediblər. 

Beləliklə, İSİ-də 2021/2022-ci tədris ilinin yay imtahan sessiyası uğurla başa çatıb.