İdarəetmə Sistemləri İnstitutunun əməkdaşları elmi konfransda iştirak ediblər

02.07.2022 / Mühüm xəbərlər

İdarəetmə Sistemləri İnstitutunun (İSİ) Dinamik sistemlərin kompüter modelləşdirilməsi laboratoriyasının müdiri, t.e.d., prof. Allahverdi Həsənov və Təhsil şöbəsinin müdiri, r.ü.f.d. Sevinc Quliyeva 29 iyun-1 iyul 2022-ci il tarixlərində Riyaziyyat və Mexanika İnstitutu və Azərbaycan Dövlət Pedaqoji Universitetinin təşkilatçılığı ilə keçirilən akademik İbrahim İbrahimovun 110 illik yubileyinə həsr olunmuş “Riyaziyyat və mexanikanın müasir problemləri” Beynəlxalq elmi konfransında iştirak ediblər.

Konfransın 30 iyun tarixində keçirilən plenar iclasında t.e.d., prof. A.Həsənov S.Quliyeva ilə həmmüəllif olduğu “Fraktal strukturlu özlü elastik çubuğun boyuna rəqsləri” mövzusunda məruzə ilə çıxış etmişdir. İştirakçılar tərəfindən məruzəçiyə müxtəlif suallar verilmiş, mövzu ətrafında müzakirələr aparılmışdır.