Parisdə keçirilən İdealist2018 seminarları

29.01.2016 / Mühüm xəbərlər

İdarəetmə Sistemləri İnstitutunun Xarici əlaqələr və innovasiya şöbəsinin rəhbəri Tofiq Babayev 28-29 yanvar tarixində Parisdə "Big Data, 5G, Photonics, Internet of thinks” mövzusunda keçirilən seminarlarda iştirak etmişdir.
Seminarların məqsədi İKT üzrə Milli koordinatorlara adı çəkilən sahələr üzrə son tədqiqatlar və müasir tendensiyalar haqqında geniş informasiyanın verilməsi idi ki, layihə təkliflərinin məzmunun yoxlanmasında və onlarin innovasiyalaşması haqda rəylərin verilməsində, müasir inkişaf səviyyəsindən kənara çixmaqda və Avropa Birliyinin məsələ və prinsiplərinə uyğun olmaqda onlara yardim etsin.

Insight Centre for Data Analytics (İrlandiya) mərkəzindən olan Doktor Edvard Karri öz «Big data: Beyond the Hype, Delivering Value» adli prezentasiyasında böyük verilənlər texnologiyası və onların sənaye və cəmiyyəti necə dəyişə biləcəyi barədə məruzə etmişdir. Nokia Solutions and Networks Management International GmbH (Almaniya) tədqiqat birliyinin şöbə rəhbəri doktor Verner Mor 5G mövzusunda çixiş etmişdir. Optics Valley (Fransa) şirkətinin nümayəndəsi doktor Pol Stefanut fotonikaya aid prezentasiya ilə və Hartree Centre, IBM nümayəndəsi Katarina Royş isə "Internet of Things” mövzusunda çıxış etmişdilər.
Məruzəçilər iştirakçilarla öz peşə sahələrinin əsas bilikləri ilə bölüşmüş və H2020 2016-17 iş proqraminda uyğun mövzulara toxunmuşdular.