Xərçəngin diaqnostikası və müalicəsi üçün işıq saçan kapsullar yaradılıb
05.08.2022 / Maraqlı məlumatlar
Xərçəng şişlərinin diaqnostikası və effektiv müalicəsi üçün kapsullar hazırlanıb.
Bu barədə Rusiya Səhiyyə Nazirliyinin Seçenov Universitetinin alimləri xəbər veriblər.
Bildirilir ki, tədqiqatçılar şişlərə dərman çatdırılması üçün polimer çoxqatlı kapsulların yaradılması sxemini işləyiblər.
Preparatın üst qatına isə şiş hüceyrələri ilə qarşılıqlı əlaqədə olduqda müəyyən rəngdə işıq saçmağa başlayan flüoresan yarımkeçirici nanokristalların əlavə edilməsi planlaşdırılıb. Bu üsulla hüceyrələrin vizuallaşdırılması və monitorinqi həyata keçiriləcək.
O da qeyd edili ki, kapsulların artıq klinik tədqiqatlarına başlanılıb, insanlar üzərində sınaqlara isə gələn il keçmək planlaşdırılır.
