Azərbaycan nümayəndə heyəti AB-nin Rəqəmsal Bazarların Uyğunlaşdirilmasına həsr olunmuş 1-ci panel görüşündə (1st HDM Panel) iştirak etmişlər

19.11.2015 / Mühüm xəbərlər

18-19 noyabr 2015-ci il tarixində Brüseldə tərkibində İSİ-nun "Xarici əlaqələr və innovasiya” şöbəsinin müdiri Tofiq Babayev, RİYN – nin baş məsləhətçisi Etibar Ümüdov və  "SİNAM” MMC –nin meneceri, HDM eksperti Vüsal Abbasov olmaqla Azərbaycan nümayəndə heyəti Şərq Tərəfdaşlıq Proqramının 2-ci platforması "AB siyasətinə iqdisadi inteqrasiya və uyğunlaşma” çərçivəsində Rəqəmsal Bazarların Uyğunlaşdirilmasına həsr olunmuş  1-ci panel görüşündə iştirak etmişlər.

1-ci HDM paneldə HDM hazırlığının diqqət mərkəzində olan 6 prioritet mövzusu müzakirə edilmişdir: kiçik və orta biznes üçün elektron ticarət (eCommerce for SMEs);; elektron gömrük (eCustoms);; elektron identifikasiya və maliyə xidmətləri (electronic identification and trust services); informasiya təhlükəsizliyi və kiber-təhlükəsizlik (network and information security and cyber-security);  rəqəmsal biliklər ( e skiils)  və Telecom  qaydaları. Əlavə bir sesiya Nazirlər Kabinetinin  rəqəmsal iqdisadiyyat Bəyannaməsinə aid olan məsələlərə həsr olunmuşdur.

2 günlük müzakirələrdən sonra Azərbaycanın Rəqəmsal Bazarların Uyğunlaşdirilması təşəbbüsü çərçivəsində  Şərqi Tərəfdaşlıq ölkələri arasında elektron gömrük və elektron ticarət sahəsində (Belarusiya ilə birgə) aparıcı  ölkə olması barədə ilkin qərar qəbul olundu.